Havnar Sjónleikarfelag - Sjónleikarhúsið

Sjónleikaskúlin í Sjónleikarhúsinum 2018–2019

Um Sjónleikaskúlan

Tilmelding byrjar mánadagin 27. august 2018 kl. 18.00 á www.kvoldskulin.fo

 


Mýsnar á ferð, Sjónleikarhúsið apríl 2018.

Børn og ung, 24 vikur

Í ár framføra vit JUNGLUBÓKINA eftir Rudyard Kipling í Sjónleikarhúsinum.

Kostnaður:
1.- 6. flokk 250 kr. 
7.- 10. flokk 865 kr.

Tilmelding: 
27. august kl. 18.00 á www.kvoldskulin.fo

Dato:
Byrja at venja 1. oktober 2018 
Framføra í mai 2019. 
Tað verða umleið fimm almennar sýningar av Junglubókini.

Øll í Sjónleikaskúlanum frá 1. flokki til 10. flokk verða við í hesum stóra sangleikinum, ið fleiri kenna serliga frá Disney filminum. Hvør aldursbólkur venur fyrst hvør sær í smærri bólkum til ásettu tíðirnar (sí bólkar), og síðani venja vit í felag allan leikin saman við tónleiki, búnum, ljósi og pallmynd. 
Við hesum spennandi, stuttliga og avbjóðandi sangleikinum læra næmingar at skapa ein leiklut, samstarva, brúka rødd og rørslur. Eisini fáa tey royndir at framføra ein størri sjónleik á pallinum í Sjónleikarhúsinum.

Lærari er Sóley Danielsen, ið hevur fleiri ára royndir at undirvísa børnum og er útbúgvin sjónleikari og leikstjóri.

Roynd og óroynd eru hjartaliga vælkomin at melda seg til til Sjónleikaskúlan, tó eru nakrar treytir.
- Næmingurin skal verða byrjaður í fyrsta flokki
- Tað er møtiskylda til hvørja venjing og til framførslur
- Um ein næmingur ikki er møttur tríggjar ferðir, missir hann plássið

Dato/Feria:
Jólaferia: frá síðst í november viku 48 til tann 7. januar 2019.

G.G Vant verður í páskaferiuni sambært avtalu, har vit byrja at hava felagsvenjingar á pallinum. Nágreiniligt skema kemur seinni.

Kunning:
Sunnudagin 30. september 2018 kl. 14.00 er felagskunning til næmingar og avvarðandi í Sjónleikarhúsinum, sera umráðandi at øll møta!

Her fáa næmingar høvi at síggja venjingarrúm, møta bólkinum og hoyra meira um sangleikin JUNGLUBÓKINA.
Sjálvboðin foreldur og avvarðandi, ið eru áhugað í at t.d. seyma búnar, byggja pall og hjálpa til annars, eru sera vælkomin.

Ynskiligt er, at foreldur boða frá, um har er nakað, Sjónleikaskúlin skal vita t.d. allergi, heilivág, sálarlig- og kropslig viðurskifti ella tílíkt.

Vaksin, 12 vikur

Vikuskiftisskeið, uml 20 tímar

Hugskot og ynski til vikuskiftisskeið eru hjartaliga vælkomin.
Vinaliga
Sóley Danielsen, leiðari í Sjónleikaskúlanum

sjonleikaskulin@gmail.com – facebook

Hesi stuðlað Havnar Sjónleikarfelag: