Havnar Sjónleikarfelag - Sjónleikarhúsið

Pettson er ein hittingarsamur maður, sum býr saman við kettuni Findus og nøkrum hønum.
Søgan snýr seg um teirra felags lív. Pettson og Findus kunnu tosa saman. Findus dámar sær skálkabrøgd og at spæla, og Pettson roknar hann sum sítt barn.
Findus dugir enntá at ganga á afturbeinunum sum eitt fólk.
Pettson og Findus búgva á einum garði. Í húsinum búgva eisini sonevndir snifflar, verur sum Findus sær og tosar við, men sum Pettson ikki sær.

Atgongumerki kosta 100 kr, og kunnu keypast á atgongumerki.fo, ella við dyrnar í Sjónleikarhúsinum ein tíma undan sýning.

Leikurin verður spældur mána- týs- hós- fríggja- kl 18 og leygardag kl 16

Forsølan byrjar mánadagin 22.mai kl 10.

Leikrit

Sven Nordqvist

Týtt og viðkað um leikritið

Hanna Flóvinsdóttir

Hjálmar Dam

Leikstjóri

Hválmar Dam

Ljós

Turpin N Djurhuus

Ljóð

Jón McBirnie

Ljós/ljóð koyring

Sámal Clothier

Tónleik

Jákup Dahl Wardum

Pallmynd og pallsmiðir

Nicolaj Falck

Klæmint H Isaksen

Gjørt staklutir til pallmynd og búnar

Anna Sofía Egilstrøð

Pallstjóri

Beinta Flóvinsdóttir

Pallfólk

Jákup Dahl Wardum

Hjálparfólk

Húsfólk

Framleiðari

Hanna Flóvinsdóttir

PR/plakat/leikskrá

Karin Djurhuus

Pettson

Hjálmar Dam

Findus

Hanna Flóvinsdóttir

Um tú hevur eitthvørt sum hevur við Havnar Sjónleikarfelag ella Sjónleikarhúsið at gera hevði tað glett okkum at fingi tilfarið ella sloppi at hugt í tilfarið.

Til ber at senda teldupost til sjonleik@olivant.fo ella ringja til 21 70 29 (Karin Djurhuus, formaður).

Leikurin er bygdur á Pettson og Findusbøkurnar hjá Sven Nordqvist, sum eru um ein heldur tvøran gamlan stavn í høgum hatti, sum býr í einum reyðum húsi við hvítum vindeygum, saman við eini kettu. Fyrsta bókin kom í 1984. Í alt eru komnar átta bøkur um Pettson og kettuna Findus. Hesin leikurin er um tá ið Findus flytir út.

Hanna Flóvinsdóttir og Hjálmar Dam hava týtt og viðkað um leikritið, og tey spæla leiklutirnar sum Pettson og Findus.

Sven Nordqvist er av bestu skaparunum av myndabókum, og tað hevur eydnast Nicolaj Falck og Klæmint H. Isaksen at flyta á pall í Sjónleikarhúsinum, verðina hjá Pettson og Findus, soleiðis at bæði børn og vaksin uppdaga alt møguligt í teim skilaleysu staklutunum.

Turpin N Djurhuus hevur sett ljós, og Jón McBirnie hevur gjørt ljóð. Hesi bæði sampakka so væl at hyggarin alla tíðina veit at nú er morgun, dagur og kvøld.

Jákup Dahl Wardum hevur gjørt sera væleydnaðan tónleik til leikin, og hesin avspeglar tað sum Pettson og Findus havast við, og hvussu lagið á teimum er.

Anna Sofía Egilstrøð hevur staðið fyri búnum, og gjørt t.d. hønur, snifflar og annað sum hevur týdning fyri søguna.

Hetta er barnaleikur til tey minstu, men tað skal ongin ivi vera um at øll fáa nakað burturúr at sita eina løtu í Sjónleikarhúsinum og síggja hvat vit kunnu skapa her á landi.

Maðurin á pallinum er troyttur av allatíðina at hoyra um, hvussu strævnir, býttir og ótolandi menn eru. Hann setir sær fyri at royna at finna útav og greiða frá, hví mannfólk og konufólk ofta enda í støðum, har tað ikki ber til at skilja hvønnannan. Misskiljingarnar eru ofta láturligar, tá vit sum her síggja tær á palli – men í veruleikanum eru tær ofta orsøkin til at maður og kona ikki kunnu semjast.

Leikarin leitar heilt aftur til uppruna menniskjans. Hann samanber frummmenniskjuni við tað modernaða menniskja. Við dømum og stuttligum lýsingum av situatiónum, sum flest øll kenna aftur, finnur hann útav, at júst har – í frumtíðini – finna vit kanska frágreiðingarnar og orsøkirnar til, at nútíðarmenniskjuni, hava so nógv at stríðast við – og loysnirnar eru sum oftast einfaldari enn vit halda.

Skemtiligt, hugvekjandi, rørandi og viðkomandi. Ein leikur sum hevur gingið 20 ár á Broadway, og er sýndur í 14 ymiskum londum – Føroyar eru nummar 15! Umsett leikin hevur Teater Grugg

Leikari: Jákup Dahl
Leikstjóri: Ria Tórgarð
Teknikkur: Árni Baldvinsson
Umsiting: Súsanna Tórgarð
Samskipari: Karin Djurhuus

Atgongumerki eru at fáa á www.atgongumerki.fo og á tlf. 228875, ella við dyrnar ein tíma undan sýning.

Facebook

Skrá fyri aðalfundin: 

1. Val av fundarstjóra og skrivara
2. Frágreiðing frá nevndini
3. Framløga av grannskoðaðum rokniskapi til góðkenningar
4. Val av limum í stjórn
5. Val av tiltakslimum
6. Val av einum grannskoðara
7. Innkomin mál
8. Ymiskt

Uppskot um val av stjórnarlimum skulu vera felagnum í hendi 7 dagar fyri aðalfund

Uppskot til innkomin mál skulu vera felagnum í hendi 7 dagar fyri aðalfund

Limagjaldið er 200,00 kr og skal flytast á konto 9181 140.156.6 í Betri 

Fyri vali standa:

Karin Djurhuus                  tekur við afturvali
Anna Sofía Egilstrøð          tekur við afturvali
Beinta Flóvinsdóttir            tekur við afturvali

Maðurin á pallinum er troyttur av allatíðina at hoyra um, hvussu strævnir, býttir og ótolandi menn eru. Hann setir sær fyri at royna at finna útav og greiða frá, hví mannfólk og konufólk ofta enda í støðum, har tað ikki ber til at skilja hvønnannan. Misskiljingarnar eru ofta láturligar, tá vit sum her síggja tær á palli – men í veruleikanum eru tær ofta orsøkin til at maður og kona ikki kunnu semjast.

Leikarin leitar heilt aftur til uppruna menniskjans. Hann samanber frummmenniskjuni við tað modernaða menniskja. Við dømum og stuttligum lýsingum av situatiónum, sum flest øll kenna aftur, finnur hann útav, at júst har – í frumtíðini – finna vit kanska frágreiðingarnar og orsøkirnar til, at nútíðarmenniskjuni, hava so nógv at stríðast við – og loysnirnar eru sum oftast einfaldari enn vit halda.

Skemtiligt, hugvekjandi, rørandi og viðkomandi. Ein leikur sum hevur gingið 20 ár á Broadway, og er sýndur í 14 ymiskum londum – Føroyar eru nummar 15! Umsett leikin hevur Teater Grugg

Leikari: Jákup Dahl

Leikstjóri: Ria Tórgarð

Teknikkur: Árni Baldvinsson

Umsiting: Súsanna Tórgarð

Samskipari: Karin Djurhuus

"We have played a lot of concerts abroad in recent years. Now, the plan is to come home to our beloved Faroe Islands to perform – and record – a couple of concerts, and subsequently release a live album with songs from BRIDGES and SLØR. We are very much looking forward to performing these songs for the Faroese people, and hope that a lot of people will come to aid us in creating a wonderful atmosphere for our upcoming album."

– Eivør.

Supporting act: Marius Ziska

Hetta er 24. árið vit skipa fyri hesum tiltakinum, sum eftirhondini er blivið eitt tað størsta av sínum slagi, skrivar felagið í tíðindaskrivi.

Seinnu árini hevur tiltakið verið í Sjónleikarahúsinum, men fyrstu árini var tað í neystunum hjá Havnar Róðrarfelag og Argja Róðrarfelag.

Hetta er vanliga eitt sera gott dansikvøld við nógvum góðum kvæðum. Men kvøðið verður eisini lættari kvæði, so øll kunnu vera við. Út á náttina verður smurt breyð, kaffi, te og smákøkur at fáa. 

Hetta er 24. árið vit skipa fyri hesum tiltakinum, sum eftirhondini er blivið eitt tað størsta av sínum slagi, skrivar felagið í tíðindaskrivi.

Seinnu árini hevur tiltakið verið í Sjónleikarahúsinum, men fyrstu árini var tað í neystunum hjá Havnar Róðrarfelag og Argja Róðrarfelag.

Hetta er vanliga eitt sera gott dansikvøld við nógvum góðum kvæðum. Men kvøðið verður eisini lættari kvæði, so øll kunnu vera við. Út á náttina verður smurt breyð, kaffi, te og smákøkur at fáa. 

Facebook - Flickr - Flickr

Konni Kass geva debutplátuna Haphe út á Plátufelagnum Tutl 11/11, og í tí sambandi fara tey á útgávukonsertferð í Føroyum, Danmark og Týsklandi. Startskotið til konsertferðina verður í Sjónleikarhúsinum í Havn ley. 19/11.

Hetta verður eitt serstakt kvøld við serligum gestum. Bólkarnir Guðrun & Bartal og Jakku eru nevniliga bodnir at hita upp. Guðrun & Bartal góvu hina frálíku "Vónir Er" út í 2013, og arbeiða í løtuni við næstu plátuni. Jakku er elektroniska verkætlanin hjá Bárður Næs og Per Ingvaldur Højgaard Petersen. Sostatt er lagt í ovnin til eitt stórfingið tónleikakvøld í søguligu karmunum í Sjónleikarhúsinum!

Skrá fyri kvøldið:
Guðrun & Bartal
Jakku
Konni Kass

Útgávukonsert við vokalkvintettini KATA - Útgáva: TÍVILS DØTUR - Sangarar: Arnfríð Lútzen - Greta Bech - Guðrið Hansdóttir - Eyð Berghamar Jacobsen - Unn Paturson - Slagverk: Rógvi á Rógvu - Elektroniskar effektir: Lasse Thorning Jæger - Billettir á 150,- fáast á Kunningarstovuni í Havn, og við dyrnar áðrenn konsertina. Børn ókeypis atgongd

Tað sum tú sært er ikki altíð tað tú fært! Til hetta kommunuvalið halda vit í Sjónleikarhúsinum at vit skulu hava veljarafund unplugged. Ein veljarafund stýrdan av veljaranum og ikki av væl samansettari og vælgjøgnumarbeiddari skrá hjá politisku flokkunum.

Veljarin skal sleppa at seta teir spurningar sum bylgjast í honum til polittikaran, sum ikki er sloppin at gera eitt svar heimanifrá. Burtur við teim vanligu klisjeunum. Hvør er politikkarin handan vælpoleraðu facebookmyndina spyrja vit, og hevur hann veruligar meiningar sjálvur?

10. OKTOBER
Klokkan 17 setir japanski mentunnarsendimaðurin í Keypmannahavn, Kyosei Urabe, festivalin.

17.05-18.35:
»Enoshima Prism«
江ノ島プリズム

(c)2013 gEnoshima Prismh Production Committee. 

18.45-20.46:
»Love for Beginners«
今日、恋をはじめます

copyright (c)2012 "Love for Beginners" Film Partners

11. OKTOBER
17.00-19.03:
»I just wanna hug you«
抱きしめたい 真実の物語

19.20-20.42:
»Wonderful World End«
ワンダフルワールドエンド

copyright (C)2014 avex music creative inc.

12. OKTOBER
17.00-17.25:
»Little Witch Academia«
リトルウィッチアカデミア

© Yoh Yoshinari / TRIGGER / Agency for Cultural Affairs, Government of Japan / “AnimeMirai 2013”.

17.40-18.35:
»Little Witch Academia:
The Enchanted Parade«
リトルウィッチアカデミア
魔法仕掛けのパレード

© 2015 TRIGGER / Yoh Yoshinari / GOOD SMILE COMPANY

19.00-20.23:
»Tamako Love Story«
たまこラブストーリー

(c)Kyoto Animation/Usagiyama Shopping Street

ÓKEYPIS ATGONGD

Friday 7 October :

18.30-19.00 Opening
19.00-19.15 Helmut and Helia (Latvia)
19.20-19.35 Macbeth unplugged (Faroe Islands)
19.40-19.55 The Art of conversation (Denmark)
20.00-20.15 Spring Joy (Lithuania)
20.15-20.35 Break
20.35-20.45 Entertainment: Nicolaj Falck & Jákup D. Wardum
20.45-21.00 The Mother (Estonia)
21.05-21.20 Karusel (Latvia)
21.25-21.40 The Blind Spot (Denmark)

Saturday 8 October:
14.00-14.15 On Lake Peipsi (Estonia)
14.20-14.35 Fuck Tinder (Finland)
14.40-14.55 Devilishly one (Lithuania)
15.00-15.15 Grøn orka (Green energy) (Faroe Islands)
15.15-15.35 Break
15.35-15.45 Entertainment: Nicolaj Falck & Jákup D. Wardum
15.50-16.00 Dimmalimm (Iceland)
16.00-16.10 Projekt: Kränkt (Sweden)
16.15-16.30 The Tape Testers (Denmark)
16.35-16.45 Dog (Latvia)
16.50-17.05 King Mindaugas (Lithuania)

Tað er nevniliga soleiðis, at aftur í ár fær tann vanligi føroyingurin høvi at vera vitni til hesa fantastisku siðvenju, sum í mong Harrans ár hevur virkað sum ein samfelagskritisk rødd, og onkuntíð enntá eisini hevur fingið summi at flent.

Tað krevur sín mann, og í ár, pílar og skot, eisini sínar kvinnur, at standa fyri einari Ólavsøkukabarett. Tey, sum í ár hava átikið sær stóru uppgávuna, eru vælkendu, vøkru og royndu leikararnir: Búi Rouch, Petur Meinhard Ellebye Andersen, Durita Dahl Andreasen og Mariann Hansen, við hjálp frá Dáva Djurhuus, Aldu Egilstrøð Magnussen og pulvurkaffi. Tað er sostatt talan um ein javnrættindis hóp, ið líkist nógv tí frá sera vælumtóktu kabarettini í fjørð.

Og sum var hetta ikki ivaleyst, so hava vit fingið tónleikararnar í bólkinum Punjab, ið vunnu ársins FMA virðislønir fyri bæði “Ársins Bólk” og “Ársins Nýggja Navn”, at spæla undir og at syrgja fyri, at Ólavsøkukabarettin 2016 verður ársins brak av einari konsert - og uppliving!

Verið øll hjartaliga vælkomin í Sjónleikarhúsið um ólavsøkuleitið at minnast árið, ið fór!

Við kvøðu,
Ólavsøkukabarettin 2016

• Loppumarknaður, har tú kanst leiga tær borð fyri 200 kr fyri hvørt borðið
• Fiskibrunnur
• Klæðir úr klædnagoymsluni hjá Sjónleikarhúsinum verða til sølu
• Køkutombola
• Heimskendu vaflurnar og kaffi/te fyri 30,00 kr

Eisini vitjar leyvan úr Kardamummubýnum 

Tit, sum vilja leiga borð, kunnu skriva her, senda mail til sjonleik@olivant.fo ella venda tykkum til húsavørðin á tlf. 311132 millum kl. 08.00 og 16.00 gerandisdagar.

Vit gleða okkum at síggja tykkum til ein hugnaligan dag í Sjónleikarhúsinum.

Góði børn, foreldur, ommur og abbar

Ja, so fara vit aftur í Kardamummubý. Tað eru 11 ár, síðan vit vóru har seinast, og nógv børn eru komin afturat síðan tá. Børn, ið saman við foreldrum, sum kanska sóu leikin seinast, eisini skulu sleppa at uppliva henda barnaklassikara sum ættarliðini frammanundan eru vorðin so góð við.

Hví eru vit góð við søgurnar hjá Thorbjørn Egner?

Tað er tí hann hevur ein einfaldan boðskap: Vit skulu øll vera her, tað er pláss fyri okkum øllum, og vit eru øll partur av felagskapinum.

Bastian syngur:

Eg havir gjørt eina lætta lóg
Øll halda hon er góð
Henda Kardamummu-lummalóg er so:
Tú skalt ikki plága onnur
Ella gera nakað ilt
Annars kannst tú liva sum tú vilt

Havnar Sjónleikarfelag hevur sum endamál javnan at seta stórar barnaleikir upp. Hetta krevur nógv at felagnum, nevnd og limum, men lønin vit fáa aftur við børnum og vaksnum sum stuttleika sær og fáa okkurt at hugsa um hesa løtuna í Sjónleikarhúsinum kann ikki samanberast við nakað.

So góðu tit stór og smá hyggið nú…

Vegna nevndina
Karin Djurhuus, formaður

Thorbjørn Egner (1912 – 1990)

Flestu fólk kenna søgurnar um Karius og Baktus, um Klintrimús og hini dýrini í Vallbakkaskóginum og um Fólk og Dólgar í Kardamummubýi. Bøkurnar hjá norska rithøvundanum eru umsettar til fleiri enn 20 mál og fleiri ættarlið kenna tær.

Hvussu ber tað so til?

Tað eru ongar hetjur og ongi óargadýr i alheiminum hjá Thorbjørn Egner. Tú verður góður við dovnar dólgar, svangar revar, Suffíu mostir, sum altíð er ill, og skaðiligar bakteriur.

Søgurnar eru altíð ein javnvág millum tað fantasikenda og spælandi øðrumegin, og einfalda boðskapin um tolsemi, rættvísi og tað at vera menniskjaligur hinumegin

Tú ert so hugsunarsamar góði Mortan segði omman. Ja segði Mortan, eg kann ikki lata vera við at hugsa um, hvussu gott tað hevði verið í skóginum, um vit bara øll vóru vinir, so kundi tey stóru hjálpt teimum smáu, og tey smáu hjálpt teimum stóru.

Karius og Baktus hava allar tær  menniskjaligu kenslurnar, frá gleði og væntanum til argandi óndskap, vreiði og sorg. Alt kenslur, sum øll kenna aftur. Tað fær fólk  at royna at liva seg inn í tær kenslur og tann atburð, sum fólk hava, og  tí skilja hvønn annan betur.

Í Fólk og dólgar í Kardamummubýi er tolsemi og ymiskleiki eitt týðandi tema. Øll,ið búgva í Kardamummubýi, hava evnir og eginleikar, sum kunnu brúkast til felags besta. Í tí heiminum, sum Thorbjørn Egner skapar, eru  rúmligheit og fjølbroytni positiv virðir. Boðskapurin er, at tú skal velja tað góða, og í tann mun tú kanst laga teg til felagskapin, samstundis sum pláss skal vera  fyri øllum.

Thorbjørn Egner var útbúgvin teknari, men hann var eisini listafólk, rithøvundur, sangskrivari, tónaskald og umsetari. Hann hevur skrivað bøkur fyri børn og vaksin, men tað eru serliga hansara barnabókmentir, sum fólk hava tikið til sín. Sjálvur sigur Thorbjørn Egner:

Eg haldi tað er týdningarmikið, at børn tá ið tey hava tann aldur har tey eru viðkvom, hava hugflog og kenslusemi er størst, fáa fatanir, sum geva teimum álit og trúgv á lívið.

Sýningar Operation Valentine:
Allar tíðir eru tá leikur byrjar

18. aug. kl. 20.00 Undanframførsla v. áskoðarum
19. aug. kl. 20.00 Undanframførsla v. áskoðarum
21. aug. kl. 20.00 Frumframførsla (útselt)

leygard. 22. aug. kl. 17.00
Sunnud. 23. aug. kl. 17.00

ongin sýning mánad. 24. aug.

Týsd. 25. aug. kl. 20.00 
Mikud. 26. aug. kl. 20.00
Hósd. 27. aug. kl. 20.00 
Fríggjad. 28. aug. kl. 20.00 
Legyard. 29. aug. kl. 20.00
Sunnud. 30. aug. kl. 17.00

ongin sýning mánad. 31. aug.

Týsd. 1. sept. kl. 20.00
Mikud. 2. sept. kl. 20.00 (útselt)
Hósd. 3. sept. kl. 20.00
Fríggjad. 4. sept. kl. 20.00
Leygard. 5. sept. kl. 20.00
Sunnud. 6. sept. kl. 17.00

Ongar eykasýningar vera!

Atgongumerki kunnu bílleggjast við at skriva til information.dfc@gmail.com
ella ringja á tlf. 50 91 90

Prísur 200,- 

Halló, kæra harkalið!

Tað er við gleði, at vit kunngera, at LGBT, eftir drúgvar samráðingar við Yvirfriðingarnevndina og Rúna Djurhuus, aftur í ár hevur fingið loyvi til at forkela borgaran við at skipa fyri eini ólavsøku. Og í hesum sambandi hava tey, sum nakað heilt nýtt, gjørt av at leggja hesa tjóðarhátíð longu nú í endanum av juli.

Henda stutta freist hevur tó havt við sær, at Løgtingið noyðist at koma saman í ótíð fyri at venja fetini til skrúðgonguna á Karlamagnusarbreyt, og at trappan hjá Lenu helst ikki verður liðug til tíðina.

Men fellið ei í fátt! Tí vit vita øll, at hetta eru bara smábagatellir, sum í síðsta enda eru týdningarleysar. Tað er jú bara eitt, sum ein verulig ólavsøka við virðing fyri sær sjálvari ikki kann vera fyri uttan, og tað er – ja, onkur hevur kanska longu lisið yvirskriftina – Ólavsøkukabarettin!

Aftur í ár fær tann vanligi føroyingurin nevniliga høvi at vera vitni til hesa fantastisku siðvenju, sum í mong Harrans ár hevur virkað sum ein samfelagskritisk rødd, og onkuntíð enntá eisini hevur fingið fólk at flent (les: OMG!).

Tað krevur sín mann og umleið annaðhvørt ár kvinnu at standa fyri einari ólavsøkukabarett. Og teir, sum í ár hava átikið sær hesa stóru uppgávu, eru vælkendu, vøkru og royndu leikararnir: Mike, Jákup Wardum, Petur Meinhard Ellebye Andersen og Búi Rouch, við hjálp frá Dáva Djurhuus og Prozac.

Tað kann væl vera, at Visjón 2015 ikki ordiliga bleiv til nakað, og at tað einasta, vit nú hava at síggja fram til, er ein nýggj ístíð. Men tað skal í øllum førum ikki forða okkum í at hátíðarhalda okkara tjóðardag, flenna saman og minnast buldruta árið, ið fór.

Verið øll hjartaliga vælkomin í Sjónleikarhúsið um ólavsøkuleitið!

26.juli kl. 20.00
27.juli kl. 18.00 og 20.00
28.juli kl. 18.00 og 20.00
29.juli kl. 18.00 og 20.00
30.juli kl. 18.00 og 20.00

Sum lýst í bløðunum leygardagin 28. Mars 2015 verður aðalfundur felagsins verður flaggdagin 25. apríl 2015 kl. 17.00 í Sjónleikarhúsinum.
Skrá sambært viðtøkum felagsins.

Aftaná verður ábit

Uppskot til nevdarlimir skulu vera felagnum í hendi 7 dagar áðrenn aðalfundin.

Innkomin mál skulu vera nevndini í hendi 7 dagar áðrenn aðalfundin.

Bert tey sum hava goldið limagjald hava atkvøðurætt til aðalfundin.

Limagjaldið er 200,00 kr og skal flytast á konto 140.156.6 í Eik.

Havnar Sjónleikarfelag er farið undir fyrireikingar til heystleik sum verður:Fólk og dólgar í Kardamummubýi eftir Thorbjørn Egner.

Hesin leikur var seinast framførdur í 2004. Í hesum sambandi verður audition í mai.

Leikread 2015 hevur júst verið í Sjónleikarhúsinum, og í juli/august er Sjónleikarhúsið karmur um Operation Valentine sum Det Ferösche Compagnie setur upp.

So spennandi dagar eru fyri framman.

Møtið fjølment

Vegna nevndina

Karin Djurhuus, formaður

Facebook

Nú fara vit at dansa í Sjónleikarhúsinum tann 11. apríl saman við Tvey av Kamarinum. Har fara nógvir góðir tónleikarir at lutaka so nú er bara at busta skógvarnir. Víð eru Birgar, Árni, Jóan Petur, Djóni og Hans Kristian.

Atgongumerki kr 150 í Kunningarstovan.

Facebook – Eventful – Last.FM

• Rithøvundarnir eftir Alejandro Leiva Wenger (se) Gunnar Hoydal týddi.
• UMsorg eftir Toril Goksøyr & Camilla Martens (no) Ria Tórgarð týddi.
• Sek eftir Hrafnhildur Hagalín (is) Pauli Nielsen týddi.
• Sangir við gráa havsins strendur eftir Pipsa Lonka (fi) Hans Tórgarð týddu.
• Sár á sál eftir Kristinu Sundar Hansen
• Allir dreymar mínir verða veruleiki eftir Chrstian Lollike (dk) Jonhard Mikkelsen týddi.

Facebook – Eventful

Nú stundar av álvara til jóla, og aftur í ár fer Havnar Sjónleikarfelag á pall við einum jólaleiki. Í 2012 varð farið á pall við nýskrivaða jólaleikinum Gangnam jól eftir Hjálmar Dam. Leikurin var ein stór succes – hjá bæði børnum og vaksnum – og í ár hevur Havnar Sjónleikarfelag avgjørt at taka táttin upp aftur, eftir óteljandi áheitannir.

Hvussu halda vit tey bestu jólini? Skulu jólini vera fullkomin? Og hvussu eru tey fullkomnu jólini? Eru jólini vorðin so handilslig, at vit vaksnu í veruleikanum eru verri enn børnini? Vit kenna helst øll til, at jólamánaðurin er stuttur, tiltøkini eru mong og alt skal náast. Og av ymsum orsøkum er skjótt at gloyma, at jólini í veruleikanum ikki snúgva seg um gávur, men um nærleika og hugna.

Leikararnir eru Hanna Flóvinsdóttir, Jákup Wardum, Hjálmar Dam, Birgir Djurhuus, Rói Næs, Tanja Kruse Dam og Tróndur Karlsson Mouritsen og lítla Hildur. Hjálmar Dam leikstjórnar øllum hurlivasanum, men sum vant eru hópin av øðrum fólkum, sum hjálpa til, umframt at leikurin verður stuðlaður av Mentanargrunni Landsins, Tórshavnar Býráði, Tryggingarfelagnum Føroyum og MáF.

Leikurin er um eina heilt vanliga familju, sum heldur eini heilt vanlig jól. Ella er familjan nú so heilt vanlig, og halda tey nú eini heilt vanlig jól? Og ber tað yvirhøvur til at halda jól gangnam-style?

Komið oman í Sjónleikarhúsið og fái sjón fyri søgn!

• Hugskot, leikstjórn og pallur: Hjálmar Dam
• Ljós og ljóð: Sámal Clothier og Simun Pauli Hansen
• Búnar: Leikarar og Anna Sofía Egilstrøð
• Pallsmíð: Hjálmar, Birgir, Poul Dávur og aðrir
• Mamman: Hanna Flóvinsdóttir
• Pápin: Jákup Wardum
• Abbin: Hjálmar Dam
• Vætturin: Birgir Djurhuus
• Jólamaðurin: Rói Næs
• Gentan: Tanja Kruse Dam
• Drongurin: Tróndur Karlson Mouritsen
• Diddan: Hildur H Dam

Atgongumerkir fáast í VisitTórshavn og við dyrnar 1 tíma undan sýning. Kostnaður kr. 50,- fyri øll.

Facebook Flickr Kunning.fo

Frumsýning leygardagin 11.oktober

Havnar Sjónleikarfelag borðreiðir við einari reindyrkaðari farsu í heyst.

Heimskendi skemtileikurin hjá Dario Fo “Vit eiga ikki eitt oyra! Vit lata ikki eitt oyra!” varð upprunaliga skrivaður í 1974, men í 2006 endurnýggjaði og nútímansgjørdi Dario Fo leikin, og tað verður henda útgáva, ið verður at síggja í Sjónleikarhúsinum 11. Oktober.

Evnið í leikinum er einki broytt síðan sjeytiárini – tíverri, kunnu vit siga: stríðið hjá tí vanliga fólkinum at yvirliva og klára seg við teimum fáu oyrunum man hevur eftir, tá skatturin er farin við sínum og bankin og streymurin og oljan og alt hitt við sínum er enn líka aktuelt. Í leikinum gera konurnar uppreistur, tá prísirnir á matvørum enn einaferð fara upp: í staðin fyri at gjalda tað, tað kostar, so gjalda tær tað tað kostaði í gjár, ella í síðstu viku – og summar gjalda enntá slett einki. Hesar ólógligu matvørur mugu tó krógvast, fyrst fyri monnunum og síðan fyri politinum, og knappliga eru allar konur í grannalagnum uppá vegin samstundis – og allar í minst níggjunda mánað! Tað sum stendst burturúr, er hvørki meir ella minni enn ein reindyrkað farsa!

Dario Fo er ein tann gitnasti høvundurin av skemtileikum í nýggjari tíð, og leikir hansara verða spældir um allan heim. Hann fekk bókmentaheiðursløn Nobels í 1997.

Í Føroyum hevur hann verið á skránni fleiri ferðir seinastu hálvu øldina, og “Vit eiga ikki eitt oyra! Vit lata ikki eitt oyra!” var eisini sera væl umtóktur tá Gríma spældi hann í ’79, við Eyðun Johannessen og Adelborg Linklett í høvuðsleiklutunum. Hesuferð verða tað Hjálmar Dam, Ria Tórgarð, Sissal Hjaltalin, Rói Næss og Jákup Dahl ið spæla. Hans Tórgarð hevur týtt nýggju útgávuna og leikstjórnar, meðan Hjálmar Dam stendur fyri pallmyndini.

Sum altíð hjá Dario Fo, so verður farsan ikki minni stuttlig av teimum aktuellu, politisku viðmerkingunum – og hóast leikurin er skrivaður í Italia, so kundi tað gott verið her heima hjá okkum.

Frumsýning verður 11. Oktober, og spælt verður allan oktober mánað.

Facebook